桂花鹽水鴨

day 1 - 醃鴨 1. 花椒落鑊(不用落油) 細火炒香 2. 加入盬再炒 約3分鐘 3. 熄火, 加入五香粉拌勻 4. 醃料裡裡外外塗滿鴨身。大脾肉厚較難入味, 最好先用手指分開皮肉, 將醃料塗入皮肉之間。 5. 鴨醃好後放入膠袋, 入雪櫃醃過夜。

day 2 - 開工煮鴨 高身煲盛半煲水。 湯料入魚湯袋, 入煲開爐。 水滾後再煲15分鐘, 加米醋、米酒、鴨。

[重點注意] 待再水滾後調至小火, 水不起泡為合, 否則隻鴨出晒油又乾又嚡就唔好食囉。 (為拍攝時清楚展示, 所以打開煲蓋。真正煮時記得蓋上煲蓋。) 煮45分鐘, 熄火焗多15分鐘, 將鴨取出, 馬上在鴨皮上掃一層麻油, 待稍涼後可斬件。

桂花汁做法 1. 鴨湯去油, 取一勺放平底鑊小火加熱。 2. 加入冰糖、桂花。桂花一小撮就已經好香, 千萬不要落太多。

淋上桂花汁, 可以上枱。 大功告成。