朱古力千層蛋糕

做法： 先將麵粉，粟粉，可可粉過篩然後加入砂糖和鹽攪拌均勻，之後逐粒逐粒雞蛋放入去一同攪拌，再放入一半牛奶攪勻，攪勻之後再加入剩下的另一半牛奶，最後加入牛油溶液，待全部材料攪拌均勻，將麵糊包上保鮮紙放入雪櫃大約30分鐘備用。

這個時候大家可以打忌廉，我用的忌廉冇加朱古力，如果大家想用朱古力忌廉，可以加入朱古力。 30分鐘後取出雪櫃內的麵糊，我用20 cm的平底鑊，先用廚房紙掃一層薄薄的油，用中小火，我用一個大湯羹倒麵糊落平底鑊。 全部材料做出的麵糊大約可以煎到30片餅皮，而我的千層蛋糕用了22片餅皮。

完成品。