西班牙海鮮飯

材料一覽

蕃茄去皮: 蕃茄表皮劃一刀, 放入滾水烚一兩分鐘, 表皮自然脹大, 取出放入冷水就容易去皮。

洋蔥要熟透才甜, 所以先分開煮。 中火起鑊, 放1湯匙橄欖油, 百里香, 洋蔥碎, 蕃茄粒, 半茶匙鹽, 1/4 豌水, 煮至全熟, 取出待用。

中火起鑊, 放1湯匙橄欖油, 放入以下材料, 炒香至雞腿7、8成熟。 蒜頭碎 紅蔥頭碎 西班牙辣腸 雞腿粒 只取出雞腿粒, 其餘留在鍋內。

放入以下材料: 黃薑粉 turmeric 4茶匙 (番紅花 Saffron 太貴, 黃薑粉 代替) 甜椒粉 paprika 3茶匙 月桂葉 2片 洋蔥 Paella rice 500g (Risotto rice 亦可) 然後逐少加入雞湯, 乾水後再加, 湯用完便加水, 其間不停攪拌。

約30分鐘後, 米大約8、9成熟, 落點鹽 、喼汁(Lea&Perrins Worcestershire sauce) 調味, 放以下材料: 鮮蝦 去鬚去腳 留頭留殼 大帶子 1開4 雞腿粒 蜆 一定要新鮮的 否則不要下

蓋上蓋子, 調至小火, 待所有蜆殼全部打開, 大功告成。

整鍋上枱, 加點青檸汁, 食得。